...og sannfærðist enn betur um það að við Anna eigum fallegustu börn í heimi.

Hann kom í heiminn alveg steinþegjandi og hljóðalaust og voru allir á nálum í smástund hvort ekki væri allt í lagi með gaurinn. Svo kom í ljós eftir skoðun læknis að gaurinn er bara svona hæglátur og rólegur eins og pabbinn.

 Hann opnaði augun strax og bræddi öll hjörtun á staðnum, sem urðu, og eru enn yfir sig hrifin af drengnum. Það er allt eitthvað svo dúllulegt og elskulegt núna.

Barnið kom í heiminn á SHA (sjúkrahúsið og heislugæslustöðin á Akranesi) og bætist þar við einn Akurnesingurinn í föðættina hans. Langafi hans (Björgvin Jörgensson) fæddist og ólst upp á Akranesi og föðurbróðir drengsins er einnig fæddur og uppalinn þar.

Fæðingardeildin á SHA er eins og 5 stjörnu hótel og hér eru allir í góðu yfirlæti. Öllum heilsast vel og drengurinn drekkur, sefur og kúkar til skiptis

Það er komið nýtt lag, jólalag í spilarann hér til vinstri.

Söngur: Jóna Palla
Upptökur og hljóðfæraleikur: Ágúst Böðvarsson

Texti: Íris Ósk Friðriksdóttir
Lag: Ágúst Böðvarsson

Lagið varð til fyrir jólin 2000 fljótlega eftir að Íris afhenti mér textann sem hún hafði samið og beðið mig um að semja lag við. Lagið var svo frumflutt þá um jólin í Hvítasunnukirkjunni á Akureyri af bandi sem kallaði sig þá U.S.K ásamt Jónu Pöllu þar sem allir tilheyrandi bjuggu þá fyrir norðan.

Eftir vel heppnaðan frumflutning var ákveðið að koma laginu frá sér helst sem fyrst, en eins og sjá má er það teygjanlegt hugtak, það nefninlega varð ekkert úr því fyrr en nú.

Lagið er allavega komið á hljóðskrá á internetinu og á Lindina FM102,9 og er miklu betra bara núna eftir öll þessi ár

Var að uppfæra spilarann með nýju lagi sem var bara að klárast og er að detta í spilun á Lindinni fm 102,9.

Lagið er sungið af Lilju Birgisdóttur sem einnig samdi textann.
Í ferð til Svíaríkis síðla árs 2007, eða öllu heldur á leið heim úr téðri ferð nánar tiltekið í Kaupmannahöfn Danaveldis sýndi Lilja mér þennan texta með það í huga að ég gæti kannski mögulega gert lag við hann. Ekki mörgum hálftímum seinna var lagið tilbúið sem demó, tekið upp inni á herbergi, þar sem ég gisti þessa nótt, í pukri við tölvuna og það með innbyggðum hljóðnema á tölvunni í mjög svo vafasömum gæðum. Enginn fékk að heyra, nema náttúrulega hún Lilja.
Lagið var greynilega nokkurn tíma að velkjast um hjá okkur þar sem nú, þegar þetta er ritað, er langt gengið á 2009.
Lagið er búið að máta nokkrar tilraunaútsetningar mjög svo misgóðar, en þessi gerði lukku hjá okkur báðum og erum við nokkuð stolt af laginu eins og það hljómar núna.

Lilja gerðist mjög frökk að prófa að syngja það sjálf, þar sem hún hafði ekki mikið fengist við þá grein í lífinu. En nú verður vonandi breyting þar á, þar sem hún getur þetta stúlkan og gerir vel.

Semsagt:

Texti: Lilja Birgisdóttir
Lag: Ágúst Böðvarsson

Söngur: Lilja
Hljóðfæraleikur og raddir: Ágúst
Upptökustjórn: Ágúst
Hljóðblöndun: Ágúst og Lilja
Mastering: Ágúst

Upptökur og hljóðblöndun fóru fram hjá Hljóðafli með kærum þökkum til Lindarinnar og Samhjálpar.
Tekið upp og hljóðblandað á Cubase 5
Masterað í Wavelab 4 Minn Wavelab er reyndar orðinn nokkuð aldraður en setti inn tengil fyrir Wavelab 6 samt sem er örugglega ennþá sniðugra forrit en fjarkinn

Með von um að þið njótið vel.

Ágúst Böðvarsson

Lögðum af stað 17 júlí með viðkomu í Ölver, þar sem sumarhúsið okkar stendur og gistum þar yfir nótt. Héldum svo áfram daginn eftir í Skagafjörð hvar bróðir tengdapabba býr í Deildardal og fengum þar klippingu á línuna hjá dóttur hans og frænku hennar Önnu. Eftir fínt kaffistopp og sveitafíling fyrir Rebekku héldum við áfram til Akureyris og lentum þar um níuleytið og beint í háttinn.
Daginn eftir skrapp Anna í prjónakaffi með Mömmu minni og ég í Tónabúðina með Rebekku þar sem frændur mínir og fyrrum spilafélagar úr Kredit (hinni mögnuðu hljómsveit) Haukur og Ingvar voru við störf. Rebekka varð Ástfangin af bleikum HelloKitti rafmagnsgítar og ætlar kannski að læra á gítar eins og pabbi hennar.

Svo var skroppið til Ástjarnar í nokkra daga sem var alveg frábært. Rebekka var alveg að fíla sig þar og eignaðist vin og vinkonu og var í banastuði. Hún ætlar aftur næsta sumar á Ástjörn. Mikið var líka gaman fyrir okkur Önnu, við hittum fullt af gömlum Ástjarnarvinum og kynntumst nýjum.

Vorum svo einn dag á Akureyri og renndum suður með viðkomu í bústað hjá vinafólki og komum heim um áttaleytið í kvöld þar sem vinkona Rebekku var að missa sig af söknuði og bauð henni að gista hjá sér.

Það er samt gott að koma heim...

Eins og er þarf ég að setja mig í sérstakar stellingar hér á heimilinu, eða fara eitthvað út í bæ með græjurnar á bakinu. Það dregur soldið úr manni að vinna við áhugamálið.

Ef þú veist um ódýrt, eða frítt húsnæði, atvinnu eða eitthvað svoleiðis. Þá máttu láta mig vita. Gott væri á höfðanum í Reykjavík eða þar í kring.

Reyndar er ég ekki kominn langt í þessari iðju minni þar sem peningar vaxa ekki á trjánum en er samt kominn með a.m.k. þrjá titla með Bruce Springsteen og einn með TOTO (IV).

Með Springsteen á ég nú þegar "Born in the USA" (1984) og "Born to Run" (1975) og svo nú síðast var ég að eignast "Darkness on the Edge of Town" (1978).

Af Springsteen verkunum fyrrnefndu ólöstuðum, sem bæði bera orðið "Born" í titli sínum, er "Drakness" alls ekki síðri. Sá hana á Perlumarkaðinum og þá rifjaðist upp fyrir mér að hún er snilld og verslaði mér eintak.

Það er svo þægilegur hljómur í 70´s upptökum og þá sérstaklega finnst mér gaman að hlusta hljóminn í trommunum og bassanum. Eitthvað hlýlegt við það. Og svo er ekki ekki búið að laga upptökurnar í tætlur eins og tíðkast nú til dags.

Svo náttúrulega á maður eitthvað af verkum hans á venjulegu CD formi, s.s. meistaraverkið "The River", "Live 1975 - 85" ofl.

Gaurinn er líka snillingur í semja lög. Hann er enn að. Nú er reyndar stefnt að því að eignast nýjustu afurðina.

Svo væri lífið í umferðinni auðveldara ef menn gæfu stefnuljós til vinstri ef þeir ætla framhjá gatnamótum í hringtorgi og svo til hægri þegar þeir ætla út.

Lenti næstum í árekstri í morgun vegna þess að ég gat ekki með nokkru móti greint hvað einn bílstjórinn ætlaði sér í hringtorgi einu...

Ég er kannski ekki barnanna bestur, en ef ég reyni að bæta mig, værir þú þá til í að gera það líka?

Einu sinni er ég lærði til vörubíls í ökuskóla einum, þá reyndi ég að rengja kennarann um stefniljós til vinstri í hringtorgum og var mjög alvarlegur í mínum pælingum... Þegar kennarinn kom fyrir mig vitinu, þá fattaði ég náttúrulega að það hjálpr alveg mjög mikið að vita stundum hvort að menn ætla til vinstri eða hægri í hringtorgum...

Ég þrái Dottinn að fylgja þér
Í öllu sem er að gerast
Ég leita þíns vilja þá svarar þú
Kemur ó Drottinn segir mér til

Fjötra þú felldir felldir þá af mér
Náðin er ný og orðin mín
Vonin er vakin vakin með þér
Ég kem ó, Kristur kem til þín

Ég þrái Dottinn að fylgja þér
Í öllu sem er að gerast
Ég leita þíns vilja þá svarar þú
Kemur ó Drottinn segir mér til

Ágúst Böðvarsson 2007 n©b - Allur réttur áskilinn

Og ég lofa þig
og vegsama þitt nafn
Enginn annar er sem þú
Já, ég elska þig
og vil upphefja þitt nafn
Drottinn hver er sem þú?
Ég elska þig

Ég, hver er ég
Drottinn Guð að þú elskir mig
Þú, já aðeins þú
Drottinn Guð samt elskar mig

Og ég lofa þig
og vegsama þitt nafn
Enginn annar er sem þú
Já, ég elska þig
og vil upphefja þitt nafn
Drottinn hver er sem þú?
Ég elska þig

Ágúst Böðvarsson 2005 n©b - Allur réttur áskilinn

Þú gleður mig
Þú bræðir mig
Ég er dolfallinn - yfir þér

Hún er kraftaverk til mín
Litla stelpan mín svo fín
Drottinn þakka þér
Hvað þú gefur mér.
Ó, ég þakka þér
Drottinn þakka þér

Það glaðnar í hjarta
hvert sinn þú birtist mér.
Svo alger og indæl
er útgeislunin frá þér.

Þú gleður mig
Þú bræðir mig
Ég er dolfallinn - yfir þér

Hún er kraftaverk til mín
Litla stelpan mín svo fín
Drottinn þakka þér
Hvað þú gefur mér.
Ó, ég þakka þér
Drottinn þakka þér

Ágúst Böðvarsson 2005 n©b - Allur réttur áskilinn

Drottinn, þín náð mig hefur frelsað
Drottinn, þín náð mig hefur frelsað
Við lyftum höndum og lofum þig
og þakkir við færum þér
því Drottinn, þín náð mig hefur frelsað.

Hallelúja, hallelúja,
hallelúja, hallelúja,
halleluja, halleluja.

Ágúst Böðvarsson 1999 n©b - Allur réttur áskilinn

Ekkert annað nafn er verðugt
Ekkert annað nafn er verðugt
Ekkert annað nafn er verðugt
En nafnið Jesús

Jesús, nafn þitt
gefur frelsi, lækningu og lausn
Jesús, nafn þitt
gefur frelsi, lækningu og lausn

Ekkert annað nafn getur frelsað
Ekkert annað nafn getur læknað
Ekkert annað nafn gefur lausn og líf
En nafnið Jesús

Ágúst Böðvarsson 1999 n©b - Allur réttur áskilinn

Faðir þú gafst mér líf
Sem enginn getur tekið frá mér
Faðir þú mitt skjól og hlíf
Gættu mín, ég vil vera með þér

Lífið hverfult er og valt
Ef geng ég burt af þinni braut
Lífið verður allt svo kalt
Ef ekki gef ég þér mína þraut

Faðir þú gafst mér líf
Sem enginn getur tekið frá mér
Faðir þú mitt skjól og hlíf
Gættu mín, ég vil vera með þér

Ágúst Böðvarsson 2005 n©b - Allur réttur áskilinn