3 (ný)lög í spilaranum

Ekkert annað nafn (endurgerð)
Heilagur
Gatnamót

Þetta eru allt lög sem áttu að fara á plötuna mína ,,Að krossinum vil ég koma Kristur" en urðu að víkja vegna lengdar plötunnar. Kannski hefðu þessi komið betur út en einhver önnur á plötunni, en þetta var ákvörðun sem ég tók þá en vil gjarnan hafa þau í spilun hér á síðunni og hef því ákveðið að opinbera þau hér í tónlistarspilaranum til vinstri.

Ykkur er frjálst að kommenta lögin og ég mun örugglega setja inn fleiri lög von bráðar. Ég á nóg af demóum fyrir næstu plötu. Það getur vel verið að ég setji eitthvað af þeim hér.

Athugasemdir

[Bryndís Böðvarsdóttir, 4.10.2008 kl. 16:29]

Ég á reyndar að vera að læra núna, en mamma sagði mér frá þessu. Það gleður mig fátt eins mikið og að fá lagið á Gatnamótum í nýrri útsetningu og ekki með hljóm af gamalli afspilaðri og teygðri kassettu . Þú komst því loks á disk. Þetta hljómar vel, eins og það gerði alltaf, en bara miklu betur núna.

Þá er bara að fá hitt lagið sem ég hélt svo mikið upp á: ,,Ég lifi í takt við tímann". þegar ég ræddi þetta við þig síðast var eins og þú myndir ekki alveg það lagið. Ég set því inn fyrsta stefið eins og ég man það:

Ég lifi í takt við tímann

Þekki ekki aðra leið

Vinn eins og vitlaus

Til að eyða í þetta og hitt.

Ég læt mig berast með straumnum

því að það hentar mér

Alveg eins og þér, það er tíska í dag.

Að kaupa eilífa æsku, hamingju heilsu og frið.

Og það gerum við....

Og það gerum við...

Og það gerum við...

Við stoppum við skilti

Sem við sjáum á leiðinni

Þau bjóð'upp á vonir og drauma

fyrir rétt gjald...

Síðan man ég ekki meira.

Ég man ekki hver samdi þennan texta, en lagið sem þú samdir við er alveg frábært. Ég á þetta einhverstaðar skrifað niður, ef þú þarft frekari upprifjun. En þetta lag er á eldri kassettunni (Gústi B Klingenberg). Hana gafstu í jólagjöf þegar Alex var enn örugglega bara 2gja-3gja ára og hlýtur hún því að vera í fórum einhverra af þeim ættingjum sem hana fengu. Ég hinsvegar glataði minni og hef enga hugmynd um hvar hún lenti. Hef smá grun um að hún hafi horfið eitthvert inn í hanskahólfið á gömlu Toyotunni minn, eða eitthvað álíka.  Skil ekkert í þessu.

[Bryndís Böðvarsdóttir, 4.10.2008 kl. 16:34]

Vildi bara bæta við að þetta lag: Á gatnamótum hljómar betur núna í nýju útsendingunni. En þetta er líka alveg þitt. = Textinn og allt. Mér hlýnar allri þegar ég hlusta á það. Vildi gjarnan fá það á bloggið mitt (og auðvitað á disk) ef þú vildir vera svo vænn.

Bless kæri bróðir. Bið að heilsa. 

[Bryndís Böðvarsdóttir, 4.10.2008 kl. 16:38]

Var að hlusta á hitt lagið: Heilagur. Það er afar fallegt líka.  Vona að ég fái disk í afmælisgjöf (þó ekki sé nema með þessum tveimur lögum).

[Bryndís Böðvarsdóttir, 4.10.2008 kl. 16:47]

 Mundi pínu meira úr laginu: 

...En lífið er eins og gata

sem við göngum öll

Allt annað en feik, þú ert með í þeim leik. 

Það eru aðrir sem stjórna,

Aðrir sem ráðskast með þig. 

Líttu bar'á mig.... (3X)

Viðlag: 

Og hér er ég,

aleinn á einstefnustræti.

Sem liggur til glötunnar, hér er ég....

Fálmand'út í myrkrið,

leitandi götunnar.

Samt gerði ég allt saman þó rétt

Ég gerði allt rétt...

Samt er ég hér... (3X)

Og nú er ég lít til baka

Ég sé skiltin allstaðar

Þau voru við hliðin'á hinum

Sem leiddu mig afvega.

Þau bjóð'upp á miða til himins

á útsölu prís.

Ef þú segir já, munt þú himininn sjá...

Þett'er allt of einfalt

Fyrir upplýsta mennta menn

Eins og mig og þig...(3X)

Viðlag aftur.

(sko ég mundi það).

[Bryndís Böðvarsdóttir, 4.10.2008 kl. 17:11]

Æ, nú er ég búin að "commenta" of oft hjá þér, en ég sá ekki síðasta lagið fyrr en of seint. Ekkert annað nafn. Þetta er miklu betri útsending en áður og alveg einstaklega fallegt og róandi lag. Ekki veittir af að róa taugarnar dálítið í öllu stressinu nú til dags.

[Guðsteinn Haukur Barkarson, 4.10.2008 kl. 22:06]

Er systir þín að spamma þig Gústi minn?

[Ágúst Böðvarsson, 5.10.2008 kl. 02:50]

Mér sýnist það Haukur....

Annars komst þú mín kæra systir upp um þig núna. Þú semsagt lest aldrei bloggið mitt. Fréttir það hjá mömmu að ég hefði sett inn fleiri lög í spilarann. Ha,ha,ha

Mín kæra. Það var Anna Elísa sem gerði textann. Þetta lag, hins vegar, er ekki á KFUM-aranum með gítarinn með Gústa B Klingenberg. Ég mundi ekki á hvaða spólu ég setti það. Held það hafi verið eitt eintak eða tvö af því.

Hver veit? Kannski kem ég því í verk að hafa lagið "Einstefna til Glötunnar" til reiðu á næstu plötu.