Hljóðafl, breytingar á síðu

Gerði nokkrar breytingar á Hljóðaflssíðunni

Endilega kíkkið við á Hljóðafl

Bláber, krækiber... hver að verða síðastur...

Nú er eitthvað byrjað að frjósa á nóttunni, svo maður dreif sig áðan eitthvað út í móa til að plokka upp einhver ber áður en þau frjósa. Fengum samt ekki nema rétt út á skyrið, eins og maður segir. Rebekka var nefnilega alveg búin á því litla greyið. Hún er sko nýhætt að taka hádegislúr á leikskólanum, svo hún er orðin pirruð og þreytt um 6 leytið. Þannig að við dröttuðumst í bæinn aftur, reyndar hefði viljað vera eitthvað lengur, sá alveg möguleika á að finna nokkrar bláar þúfur í viðbót. En Rebekka var orðin það þreytt að við bara drifum okkur í bæinn og viti menn, við vorum ekki komin heim þegar sú stutta steinsofnaði í bílnum. Nú hún var bara borin og henni smellt í rúmið... og, við horfðum hvort á annað (við Anna) og veltum því fyrir okkur hvað við ættum að gera í kvöld. Venjulega fór kvöldið hjá öðru okkar í að koma Rebekku niður. Hún var nefnilega ekkert þreytt þegar hún var kannski búinn að sofa frá hálf eitt til hálf tvö, og kannski alveg til tvö. Núna, eftir að ákveðið var að hætta þessum daglúrum, þá eigum við okkur líf á kvöldin Rebekka er betur hvíld á morgnana. Það þurfti stundum að klæða hana hálf sofandi til að koma henni í leikskólann, af því að hún sofnaði alltaf svo seint á kvöldin. En nú er öldin önnur.

Maður situr því hér og étur ber með ís og rjóma og fitnar. Já, ekki fer mikið fyrir hreyfingunni í minni vinnu, eða jú... kannski hjá þeim sem vinna úti. Ég sit náttúrulega á rassgatinu og horfi á ruslakallana vinna í kringum bílinn og, eins og ég sagði, held áfram að fitna

Jæja en það styttist í annan endann, já blessað sumarið og ég keyri í amk 4 vikur í viðbót og svo klára ég fríið mitt og að fríi loknu fer ég aftur að rölta með ruslatunnurnar, eða svo lengi sem hinir bílstjórarnir halda heilsu.

Ég vona að einhver hafi nennt að lesa þetta, annars er það allt í lagi

OK, Vont að keyra í rigningu...

Var að keyra eftir gullinbrú í þessari fínu rigningu í dag. Það var sem himnarnir opnuðuðust... já, opnuðust! Flóðgáttir himna opnuðust upp á gátt í dag.
Allavega í Grafarvoginum í Reykjavík. Ég sem sagt átti leið um Gullinbrú ásamt minni yndislegu dóttur og allt í lagi, nema ég er að keyra næstum samhliða, svona örlítið aftar en bíll á vinstri akrein. Ég var á hægri akrein. Ég tók eftir því að hann keyrði mikið ofan í hjólförunum og vatnið gusaðist í allar áttir, svo mikið að það slettist allverulega á framrúðuna hjá mér. Allt í einu sá ég ekki gramm, nema bara að framrúðan var þakin vatni. Ég var á rétt rúmla á 60 km á klst. og sé allt í einu ekki NEITT í aflíðandi beygju á Gullinbrúnni, þannig að ég bara fann mig tilneyddan til að hægja vel á og bíll fyrir aftan. Maður keyrir ekki bíl í umferðinni í Reykjavík án þess að sjá út. Hvernig gat venjulegur fólksbíll ausið svona miklu vatnið upp á framrúðuna á mínum bíl.  Skil ekki alveg... Sem betur fór var bílstjórinn í bílnum fyrir aftan mig vel vakandi, annars hefði hann kíkkað í skottið á mínum bíl, enda kannski margt að skoða þar...

Tilvistarkreppa á bloginu...

Veit ekki alveg hvað ég er að gera með þetta blogg. Kannski maður bara hætti, eða nei... Það er nú gaman að hafa svona vettvang til að tjá sig ef manni virkilega blöskrar, eða langar að deila einhverju. En allavega, eins og fólk kannsi hefur tekið eftir, sem nennir ennþá að kíkka hér inn, þá er ég ekki mikið að tjá mig hér.

Kannksi maður bara drattist til að skrifa eitthvað.

Bara verð... Trommari ársins...

Hér er linkur á eitt magnaðasta trommusóló sem ég hef séð og heyrt. Trommari sem hefur ekki mikið fyrir hlutunum. Ég varð eiginlega orðlaus.

http://www.youtube.com/watch?v=43dMKsAu6I4&mode=related&search

Breytingar

Kominn að norðan og búinn að fá mér Brynjuís.

Loksins búinn að breyta einhverju og líka bara umturnaði lúkkinu. Bara fínt held ég.

Mæli eindregið með nýja bloggi konunnar minnar http://annavaldis.blog.is/blog/annavaldis/

 

Biðin er víst á enda...

Ætli maður verði ekki að skrifa nýja bloggfærslu, þó ekki sé nema til að hætta að bíða eftir TOTO, þar sem þeir tónleikar eru löngu liðnir og voru svona líka þessi fína upplifun. Skemmti mér frábælega vel. Snilldar hljóðfæraleikarar og rokk og ról og stuð.

Er að fara til Akureyris og þarf að gera mig klárann fyrir brynjuísinn... bless!!!!!!!!!

TOTO

Nú bíður maður bara eftir að kíkka á TOTO tónleika í Laugardalshöll. Hlakka til, en las samt um daginn að þeir spili jafnvel órafmagnað í hálftíma. Kvíði soldið fyrir að, en vona samt ekki, að Rosanna, Hold the Line, Pamela o.fl. lög verði ekki með í þeim pakka. Lög sem ég vil sjá og heyra á fullum krafti. Africa gæti komið vel út úr þeim pakka, en annars er maður bara spenntur og hlakkar til.

Annars er stefnan sett í bústaðinn að vinna á morgun. Það er að koma mynd á gripinn hjá okkur og tengdapabbi á skilið mikið hrós fyrir þá vinnu sem hann hefur lagt á sig. Og svo hef ég lítið verið heima, aðallega verið að vinna í frítimanum í bústaðnum.

DÚNDURfréttir og Sinfó...

Smellti mér á tónleikana með Dúndurfréttum og Sinfóníunni í gærkvelds...
Maður minn, þetta var MAGNAÐ. Óheppin þið sem ekki voruð þar og eigið ekki miða í kvöld...

Reyndar voru þetta aukatónleikar og voru því væntanlega notaðir sem einhverskonar generalprufa og reikna ég með, þar sem þetta var ekki alveg hnökralaust (en næstum), að kvöldið í kvöld verði magnað fyrir þá sem eiga miða í kvöld. Veggurinn ætti að vera orðinn fínpússaður og jafnvel fallega málaður í kvöld .

Vildi næstum óska að ég ætti miða í kvöld líka, þetta var svo magnað. En njótið vel þið sem eigið eftir að fara.

Kostaði sitt en ég sé ekki eftir einni krónu og ekki orð um það meir.

Athyglivert í vinnunni. Árekstrar ofl.

Gærdagurinn var athygliverður hjá atvinnubílstjóranum Gústa. Gekk að öllu leyti vel með kannski skemmtilegum undantekningum. Það var semsagt tvívegis keyrt á ruslabílinn sem ég er að keyra þessa dagana.

Ég var að bakka inn í Sorpu til þess að fara að losa eins og gengur á venjulegum ruslabíl í Reykjavík, nema hvað, að þegar ég er langt kominn inn, þá sé ég hvar stór gámabíll (með ruslagám) kemur á nokkuð mikilli ferð aftur á bak og búmm  í hliðina á bílnum hjá mér. Það kom þónokkurt högg á bílinn  og ég hélt að nú væri dagurinn búinn á þessum bíl og vind mér út úr bílnum, til að skoða skemmdir. En viti menn, það sá ekki á bílnum hjá mér, þannig að ég gat haldið áfram að vinna.

Svo seinna um daginn, þá er ég staddur á Framnesveginum og stopp út í kannti en geri götuna soldið þrönga, þannig að aðrir bílstjórar voru soldið í því að hætta við að keyra framnesveginn og fara eitthvað annað, svona rétt á meðan við vorum þarna að hreinsa. En bíllinn hjá mér var allavega kyrrstæður með blikkljósum og alles. Þar sem ég sit þarna og bíð meðan tunnur eru losaðar í bílinn, þá finn ég högg koma á bílinn og lít í spegilinn á vinstri hönd. Þá var þar kominn nokkuð ný bifreið og bílstjórinn ekki heppnari en svo að hann hafði hreinlega rekið bílinn sinn í tunnulyftuna og gert nokkuð myndalega rispu á hlið bílsins síns og beyglað hjá sér afturhurðina. Og aftur varð blessuðum ruslabílnum ekki meint af.

Semsagt tvisvar sama daginn... keyrt á bílinn hjá mér...

 

Svo reyndar sá ég eitt skondið i morgunn...

Ruslakallar eru soldið vinsælir hjá blessuðum börnunum og semsagt í morgun var einn ruslakallinn að vinna vinnuna sína og tekur ekki eftir því að ungur strákur á línuskautum er að forvitnast um vinnuna okkar. Þar sem blessaður ruslakallinn var eitthvað þungt hugsi þegar að hann sneri sér við til að ganga af stað, þá úpppsss!  gengur hann niður strákinn á línusakeutunum, sem náttúrulega hlammaðist í götuna, en varð greinilega ekki meint af.