Perlumarkaður

Skrapp í perluna í gær eins og sannur tólistarunnandi var kominn með slagsíðu eftir smá stund af titlum. Svo tók niðurskurður við (vegna tilraunar til skynsemi) og skilaði aftur mörgum titlum. Einn af þeim var The Wall og skammast ég mín nánast fyrir að segja frá því. Þar sem ég hef ekki átt eintak af tónverkinu í mörg, mörg ár. Á reyndar myndina og svo Berlínar gjörninginn hans Waters. En það er ekki nóg, þar sem upptökur og hljóðblöndun eru ekki eins í myndinni og á plötunni.

En það sem ég verslaði var...

The Ragpickers Dream - Mark Knopfler
Big Thing - Duran
Human Child/Mannabarn - Eivor

Knopfler er ein af æsku gítarhetjunum úr Dire Straits og r mig búið að langa í þessa plötu siðan hún kom út en alltaf séð eitthvað merkilegra þegar ég er í plötubúðum. Nú lét ég verða af því að kaup´ana. Mögnuð og smá minnir á Dire Straits  tímann.

Big Thing með Duran var bara eitthvað sem vantaði í safnið, eða þannig. Reyndar eru nú nokkrir Duran sprettir þarna og bara fínir. 

Sá Eivor á Menningarnótt og þótti mögnuð og hét því eiginlega að eignast nýju plötuna hennar. Platan er mögnuð. Kann reyndar betur við lagið Mannabarn heldur en Human Child, þ.e. hljómar betur á móðurmáli hennar. Svo líka eru smá taugar til Færeyja eftir að ég var þar eitt sinn í Biblíuskóla.

Athugasemdir

[Guðni Már Henningsson, 31.10.2007 kl. 09:52]

Þessi plata með mark Knopfler er fín sem og hans sólóplötur, flestar... Sammála þér með Eivöru..hún er flottari á færeysku..

[Ingvar Valgeirsson, 3.11.2007 kl. 13:54]

Þess má geta að Arnar bróðurómynd mín - sem er bæði bévaður trúleysingi og kommúnistaskratti - var einmitt staddur á Berlínarkonsert Waters. Skemmti sér vel og keypti handa mér bol og alles. Wall finnst mér hinsvegar ekkert spes plata og hefur oft legið við barsmíðum og þaðan af verri hlutum vegna þeirrar skoðunar minnar. Another brick skánaði lítið við að láta Cindy Lauper syngja það.

Allir hressir annars?