Hvert get ég farið?

Hvar sem ég er, hvert sem ég fer,
hvað sem að gerist hjá mér.
Hvar sem ég sit, hvar sem ég stend.
Drottinn, þú veitir mér vernd

Hvar sem ég geng, hvar sem ég ligg,
hvað sem ég mæli og þigg.
Fátt hef ég gert, fátt hef ég sagt
sem ekki er í hönd þína lagt

Þú umvefur mig á bak og brjóst. Ég er vafinn í kærleika þinn
Þekkingin þín er dásamleg og meiri en skilningur minn.

Hvert get ég farið, / hvert get ég flúið
frá þér ó, Guð? frá þér ó, Guð?
Upp í himininn, þú ert þar.
Undirheimana, þú ert þar.
Svíf um loftin blá, út við ysta haf.
Þú ert allsstaðar, Drottinn allsstaðar.

Beinin í mér þekkir þú best
Og allt sem í lífinu felst.
Fyrir það Guð ég lofa vil þig
Og allt það sem er fyrir mig.

En hugur þinn Guð er meiri en ég
Fæ skilið um ókominn veg.
Þú leiðir mig burt frá freistingum þeim
Sem stöðugar sækja mig heim.

Prófa mig Guð og þekktu mig, rannsaka hjarta mitt vel.
Og sjá hvort ég geng hinn góða veg, Ó Guð mitt hjarta þér fel.

Ágúst Böðvarsson 2005 n©b - Allur réttur áskilinn

Kom til Jesú

Hér ert þú, hér er Jesús
Hann er hér að bíða eftir þér.
Kom til hans, kom til Jesú.
Í kærleika þig faðmar að sér

Játa hann, játa Jesú
Játa, Hann bankar hjá þér
Heyrirðu ei hvað hann segir?
,,Ég elska þig eins og þú ert".

Ég elska þig, kom þú til mín
komdu bara eins og þú ert.
Fylg þú mér og ég þig leiði
heim til mín í himininn.

Komdu hér, komdu til mín.
Kærleikur minn hjarta þitt sér
Þú og ég ræðum saman.
Frelsi og líf færi ég þér.

Ég elska þig, kom þú til mín
komdu bara eins og þú ert.
Fylg þú mér og ég þig leiði
heim til mín í himininn.

Ágúst Böðvarsson 2008 n©b - Allur réttur áskilinn

Ljóma jólaljósin (hamingju og frið)

Ljóma jólaljósin,
lifnar yfir mér.
Byrtir upp og bjartur,
desember er hér.

Frelsarinn hann fæddist
Fagna viljum við
Því gleði okkur gaf hann,
gleði, líf og frið

Komdu við og krjúptu
Hann keypti okkur grið
Nú höfum við í hjarta
hamingju og frið

Ef sorgin þér í sinni
og særður finnur til
og kvíðinn á þig kallar,
kæfir byrt´ og yl.

Ljósið hans þá lýsa
láttu inn í þér
Jólaljósi Jesú,
Jesús, hann er hér

Komdu við og krjúptu
Hann keypti okkur grið
Nú höfum við í hjarta
jólagleði og frið

Ágúst Böðvarsson 2007 n©b - Allur réttur áskilinn

Sannanir

Menn þurfa sannanir
til þess að geta trúað
Svo opnast sannleiksdyr
Sem bilið gætu brúað

Það læðist að þeim tregi
Að fara nýja vegi upp í mót

Þeir hugsa með sér
Hvað um aðra leið?
Miklu breiðari er
Virðist betur greið

Máttur til þess er farinn
Að takast nú á við allt
Og svo hleypur skarinn
Og kaupir allt sem er falt

Ágúst Böðvarsson 1993 n©b - Allur réttur áskilinn

Til þín

Til þín kem ég nú
Drottinn minn ég hef þá trú
að þú reisir mig upp á ný
og þú leysir mig. Úr pyttinum ég sný

Hjá þér Drottinn minn
Finn ég skjól um sinn
Og að eilífu ég fylgi þér
Ó, Já, Drottinn minn burt með þér ég fer

Ég vil syngja nýjan söng
nýjan söng til þín ó, Guð
Nýjan, nýjan söng
nýjan söng til þín ó, Guð til þín

Með þér geng ég nú
Drottinn minn ég geng í trú
Alla byrðina þú tókst ó, Guð
Alla pressuna, allt mitt púl og puð

Ég vil syngja nýjan söng
nýjan söng til þín ó, Guð
Nýjan, nýjan söng
nýjan söng til þín ó, Guð

Burt úr hræsninni ég sný
Syng af hreinleika á ný
Nýja lífið mitt er helgað þér

Ég vil syngja nýjan söng
nýjan söng til þín ó, Guð
Nýjan, nýjan söng
nýjan söng til þín ó, Guð

Ágúst Böðvarsson 2005 n©b - Allur réttur áskilinn

Geymdu hjarta mitt / Ég er þinn

Drottinn taktu hjarta mitt
og geym það hjá þér
Móta það, fylltu það,
ger það sem þitt

Ég þrái að gefa þér
allt mitt líf
Hvern krók og kima í hjartanu
ég gef þér ó, Guð

Ég er þinn ég er þinn
ég er þinn ó  Guð
Tak mig nú í faðminn þinn
Ég er þinn ég er þinn
ég er þinn ó  Guð
Tak mig nú í faðminn þinn

Ágúst Böðvarsson 2000/1996 n©b - Allur réttur áskilinn

Að krossinum vil ég koma Kristur

Að krossinum vil ég koma Kristur
Og játa þér afbrot mín
Af þyngslum þeim er ég orðinn þyrstur
Ó, Drottinn ég þarfnast þín

Ég iðrast og ég þrái að
Þú endurnýir mig
Og líf mitt verði aftur það
Sem vitnað geti um þig

Ó, mig þyrstir eftir þér
Því að beinin tærast í mér
Kom og lækna sérhvert sár
Og Drottinn þerra öll mín tár

Ágúst Böðvarsson 2005 n©b - Allur réttur áskilinn

Óskalög sjómanna... eða mömmu...

Ég smellti hér inn lagi að ósk móður minnar sem henni finnst svo fallegt.

Lagið er hér til vinstri í spilaranum. Þið þurfið aðeins að hreyfa skroll takkann til að sjá það.

Lagið heitir "Gleði heimsins" og er með jólahljómsveitinni "Perlunni" sem ég var í, eða er. Hún hefur aldrei formlega hætt.

12 nótur til...

Það eru bara til tólf nótur og er ekki búið að raða þeim saman á alla mögulega og ómögulega vegu. Þannig að það er eplilegt þó að lög séu lík í dag.

Mér þykir líklegt að um hreina tilviljun sé að ræða, án þess að hafa heyrt lag Satriani.

Coldplay vísar ásökunum Satriani á bug

Fyrir þá sem ætla eitthvað að gefast upp...

Nick Vujicic er bæði handa og fótalaus en reddar sér samt...

Ég er hættur að skæla eftir að ég missti gögnin...